خالد عليش يكشف سبب رحيله عن "نجوم إف إم"

وشوشة 0 تعليق 0 ارسل طباعة تبليغ

أعلن الإذاعي خالد عليش، عبر حسابه الرسمي على موقع التواصل الإجتماعي "فيسبوك" عن سبب رحيله عن "نجوم إف إم"، بعد النجاح الكبير الذي حققه خلال الفترة الماضية.

وأوضح "عليش" قائلًا: "لكل اللي بيسأل واللي مهتم واللي مش مهتم أنا ليه مش في نجوم إف إم السنة دي.. للأسف وببالغ الحزن والأسى مش هاكون ضمن فريق نجوم إف إم السنة دي يعني مفيش معاك في السكة ولا موقف في ٢٠١٩".

وتابع: "أسباب كتير هي السبب في القرار ده منها الميعاد الصعب جدا وخصوصا أني بشتغل حاجات تانية منها اني بمثل وغيره.. بس اللي يعرفني كويس في الشغل يعرف أني بحب التجديد دايما ومحبش اقف عند مرحلة معينة من النجاح وخلاص.. نجاحي في نجوم إف إم مكانش معتمد عليا أنا بس.. بالعكس أنا كنت جزءا صغيرا جدا من منظومة اتشرفت أني اشتغلت معاهم من أصغر شخص لأكبر شخص، ولآخر لحظة علاقتنا زي الفل يعني مش ماشي بمشكلة ولا حصلت خناقة عشان الإشاعات المغرضة.. وكان من أهم أحلامي اللي عافرت كتير عشان أوصله أني أشتغل مذيع في نجوم إف إم".

وأضاف: "أنا سايبلكم خالد جواد مكاني عشان الوحيد اللي لقيته اسمه خالد.. ربنا معاه إن شاء الله ونجوم إف إم كلها في ضهره.. أنا آسف لكل اللي اتعودوا يروحوا على البرنامج ولكل اللي مزاجه بيظبط مع الهلي بس هي سنة الحياة التغيير.. مش عايز حد يزعل وعايزيكم تقفوا معايا في خطواتي اللي جايه وبلاش عبارات ليه يا معلم تعمل كده ده انتا كنت مكسر الدنيا ولا بصات الشفقة عشان أنا فيا اللي مكفيني.. انتظروا تفاصيل أكتر عن المشروع الإذاعي القادم في الأيام الجاية".

عزيزي الزائر لقد قرأت خبر تم جلبه من موقع خالد عليش يكشف سبب رحيله عن "نجوم إف إم" في موقعنا الشامل نيوز الاخباري | ولقد تم نشر الخبر من موقع وشوشة وتقع مسئولية صحة الخبر من عدمه على عاتقهم ويمكنك مشاهدة مصدر الخبر الأصلي من الرابط التالي وشوشة

أخبار ذات صلة

0 تعليق